Inertia of Rest (Rust) / നിശ്ചല ജഡത്വം

വീട് വിട്ടിറങ്ങുമ്പോൾ
കാറ്റ് വന്നെന്നെ എതിർത്തു പറയുന്നു
 പോക്കോ കൂട്ടിലേയ്ക്ക്‌
 ഇത് പുറം ലോകമാണ്
 ദയാരഹിത ലോകം

 വെയിൽ-
എന്റെ തന്നെ നിഴൽ-
നിന്റെയോ
 ഇനിയൊരായിരം പേരുടെയോ
രക്തമില്ലാത്ത മുഖങ്ങൾ-
ഒക്കെയും പാരാട്ടുന്നുണ്ട് 
എന്റെ വീടിന്റെ -
കൂടിന്റെ -
പുറം തോടിന്റെ-
 കാത്തു സൂക്ഷിപ്പിനെ

 ലോകം
എനിക്ക് കൂടിയുള്ളതാണെന്ന്
ഒരൊറ്റ പുൽക്കൊടി പോലും
 തലയാട്ടിത്തരുന്നില്ല

 ആമ
 സ്വന്തം തോടിനകത്തേയ്ക്കെന്ന പോലെ
 ഒരുൾ വലിയലാകുന്നു ഞാൻ
 പോ പുറം ലോകമേ
 എന്നൊരു വാതിൽ കൊട്ടിയടക്കൽ
------------------------