പേര്

ഒരിക്കലും
തുറക്കില്ലെന്ന് ശപഥം ചെയ്തു സൂക്ഷിച്ച
പെട്ടി

അത് ഞാന്‍ തന്നെയാണ്
ഇന്നലെ തുറന്നത്..

നിനക്ക് കാണിക്കാ നൊന്നുമല്ല ഞാന്‍ അത് ചെയ്തത്..

അങ്ങനെ ഓരോന്ന് പറഞ്ഞു പറഞ്ഞു
അറിയാതെ തുറന്നു പോയതാണ്..

നിറയെ തൂവലുകള്‍..
കാറ്റ് പോയ ഒരു ബലൂണ്‍
ഫ്രെയിം മാത്രമുള്ള
ഒരു സ്ലെയിറ്റ് ..

പച്ചപ്പ്‌ വാര്‍ന്ന ഒരു
ആലിലയുടെ അസ്ഥികൂടം..

ഇതൊക്കെ നീ പ്രതീക്ഷിച്ചതിനു ഞാന്‍ എന്ത് പിഴച്ചു ?

മുട്ടയിട്ടു പെരുകിയ സര്‍പ്പക്കുഞ്ഞുങ്ങള്‍ക്ക്
ഇനി നല്ല നല്ല പേരുകള്‍
കണ്ടു വയ്ക്കണം...

മകുടി വേണ്ട..
പേരുള്ള പാമ്പുകള്‍ക്ക്
ആരും മകുടി ഊതാ റി ല്ല


എന്നെയോ?

പാമ്പാട്ടി എന്ന്
വിളിക്കാം എന്നെ..

മറ്റു പേരുകള്‍ സാധാരണ
പാമ്പാട്ടിക്കു
പറഞ്ഞു കേള്‍ക്കാറില്ല.