കാലത്തേ തുടങ്ങിയതാണ്‌
ഓട്ടം
ഇനിയും തീര്‍ന്നിട്ടില്ല
അതിനിടയിലാണ്
ഹെല്‍മെറ്റ്‌ ധരിക്കാഞ്ഞതിനു
പോലീസ് തടഞ്ഞു നിര്‍ത്തി
പിഴയിട്ടത്..
പറഞ്ഞിട്ട് കാര്യമില്ല..
അപകടം വല്ലതും
സംഭവിച്ചാല്‍
ജീവന്‍ തന്നെ പോയെന്നു വരും
ഇങ്ങനെ പിഴ ചുമത്തിയാലെ
നമ്മളൊക്കെ പഠിക്കൂ .
പിഴ
ശിരസ്സാ വഹിച്ചു വണ്ടി വിട്ടു.
ഇനി
റോഡിലെ ഉടനീള കുഴികളില്‍
ചക്രം കുരുങ്ങാതെ
ഓടിച്ചു വീടെത്തണം വൈകാതെ
എന്നിട്ട് വേണം..
ബിവറേജസ് -ല്‍
ക്യൂ നിന്നു വാങ്ങിയ പൈന്റ്
അളിയനുമൊന്നിച്ചു അടിച്ചു തീര്‍ക്കാന്‍ .
തമിഴ്നാട്ടില്‍ നിന്ന് വന്ന മരുന്നടിച്ച
കായ കൊണ്ട്
ഭാര്യ ഉണ്ടാക്കിയ
ടച്ചിങ്ങ്സ് കൂട്ടിനുണ്ടാകും.
ഒന്ന് പുകയ്ക്കുകയും വേണം.
പോലീസിനെ
പറഞ്ഞിട്ട് കാര്യമില്ല..
നിയമം നിയമത്തിന്റെ വഴിക്ക്
നീങ്ങണം.
തല സേഫ് ആവണം.
അടുത്ത കാനേഷുമാരിക്ക്
എണ്ണം കൊടുക്കേണ്ടതല്ലേ?
കുഴികള്‍ അടക്കാത്ത അധികാരികള്‍കും വേണ്ടേ പിഴ
ReplyDelete