വട്ടിപ്പലിശ ജീവിതം.

സാംസ്കാരിക ഘോഷയാത്രയാണ്
നാലുകെട്ടിന്റെ പശ്ചാത്തലമാണ്

ചാരുകസേരയുടെ പടമാണ്
അതിനു മുകളില്‍
ചാരിക്കിടന്നു വിശറി വീശുന്ന
അലസ ജന്മമാണ് വേഷം..

വഴിയോരം വിളിച്ചുകൂവുന്നു
ഹായ് ഹായ് അയാള്‍ക്കെന്തൊരു സുഖം

ഘോഷയാത്രയുടെ സമയം തീരാത്ത വീഥികള്‍
കണ്ണ് മഞ്ഞളിപ്പിക്കുകയാണ്

തീര്‍ന്നിട്ട് വേണം ഒന്ന് നടു നിവരാന്‍

പടങ്ങള്‍ക്ക് മുകളില്‍ വടിവൊപ്പിച്ചുള്ള
ഈ ഇരുപ്പ് കഴപ്പ് തീര്‍ക്കാന്‍..

----------